पूणे-नवापूर बसला अपघात; दहा जण जखमी
पिंपळनेर,दि.8(अंबादास बेनुस्कर)
साक्री तालुक्यातील पिंपळनेर पासून 15कि.मी अंतरावर असणारे मैंदाणे गावाजवळ ट्रकने पूणे नवापूर बसला धडक दिल्याने अपघात झाला.या अपघातात बस चालक,ट्रक चालक,सहचालकासह 10 जण जखमी झाले.या संदर्भात,मैदाणे गावाजवळ काल (दि.7) सायंकाळी सव्वापाच वाजेच्या सुमारास राज्य परिवहन महामंडळाची पुणे नवापूर बस (एमएच20बीएल-3442) ला समोरील ट्रक (टीएन 34ऐवाय-1788)ने समोरुन धडक दिली.या अपघात बस चालकासह 8 प्रवासी जखमी झाले.बस चालक फत्तेसिंग जयवंत दळवी(41) रा.नवापूर,नानासाहेब भिका पाटीलदहिवेल),सोमनाथ काळु चौधरी(दरीपाडा), दिलीप दत्तात्रेय चव्हाण, निलीमा दिलीप चव्हाण,दगडु मुरलीधर शिंपी,शोभा दगडु शिपी,सुनिता प्रविण निकुम सर्व रा.नवापूर हे जखमी झाले.ट्रक चालक पी मुरली (तामिळनाडु),सहचालक नाव समजू शकले नाही हे देखिल गंभीर दुखापती झाले आहेत. अपघात एवढा भिषण होता की,यात बस आणि ट्रकचा समोरील भाग चक्काचुर झाला आहे.अपघात होताच 108 रुग्णवाहिकेवरील चालक अजय पवार घटनास्थळी दाखल झाले.जखमींना मैदाणे,बोदगाव,चिंचपाडा येथील नागरीकांच्या मदतीने दहिवेल प्राथमिक आरोग्य केंद्रात उपचारार्थ दाखल करण्यात आले.येथील वैद्यकीय अधिकारी डॉ. कपिल वसावे व परिचर यांनी जखमींवर उपचार सुरु केले. याप्रकरणी पिंपळनेर पोलीस ठाण्यात नोंद करण्याचे काम उशिरापर्यंत सुरु होते.